Jazba-e-zeest ko shola nahi hony dety - Poet Abid Maroof Mughal

Jazba-e-zeest ko shola nahi hony dety - Poet Abid Maroof Mughal 

 غزل

جذبہءزیست کو شعلہ نہیں ہونے دیتا

وُہ سرِ بزم تماشا نہیں ہونے دیتا

اس طرح مان سلامت وُہ مِرا رکھتا ہے

وُہ کِسی طور بھی جھگڑا نہیں ہونے دیتا

اُس کے بے تاب اُجالے ہیں مِری قسمت میں

چاند آنگن میں اَندھیرا نہیں ہونے دیتا

ہر گھڑی زیست کے جذبوں کو جواں رکھتا ہے

وُہ مِرے پیار کو بوڑھا نہیں ہونے دیتا

وُہ مکمل ہے مِرے خوابِ جہاں کی مانند

ایک لمحے کو اَدھُورا نہیں ہونے دیتا

نقشِ ماضی کو مٹانے میں لگا رہتا ہوں

ہجر کا زَخم زیادہ نہیں ہونے دیتا

اپنی منزل کو کبھی سامنے دیکھوں عابد

میرا رہبر ہے کہ ایسا نہیں ہونے دیتا

                                                                                 عابد معروف مغل