Is-liye-bhi-zara-bary-hain-app-ghazal-Sahartab-Romani

غزل ۔۔۔۔۔۔ سحرتاب رومانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اِس لیے بھی ذرا بڑے ہیں آپ

ساتھ میرے اَبھی کھڑے ہیں آپ

کاش انسان بھی بڑے ہوتے

آدمی تو بہت بڑے ہیں آپ

آپ کا احترام لازم ھے

میرے دروازے پر کھڑے ہیں آپ

چاند سورج پہ ہی نہیں موقوف

اِن ستاروں میں بھی جڑے ہیں آپ

کیا چراغوں سے گفتگو کی ھے؟

کیا ہَوا سے کبھی لڑے ہیں آپ ؟

اپنا انجام دھیان میں رکھیے

ایک دیوار سے اَڑے ہیں آپ

بات گلشن کی کر رھے تھے اور

جانبِ دشت چل پڑے ہیں آپ !

Poetry and Poets