لاکھ چاہا مگر نہیں بھولے ۔ قمر سرور

لاکھ چاہا مگر نہیں بھولے ۔ قمر سرور

 

لاکھ چاہا مگر نہیں بھولے

 کیوں تری رہگزر نہیں بھولے 

نام اپنا تجھے بتانا پڑے 

ہم تجھے اس قدرنہیں بھولے

بات اک راز کی بتائیں کیا 

ہم تجھے بھول کر نہیں بھولے

جس نے اک پل ہمیں نہ یاد کیا

ہم اسے عمربھرنہیں بھولے

داستاں ہے تجھے نہ کھونے کی

قصہ المختصر نہیں بھولے

جگنوؤں نے بھلا دیا تو کیا

ہم کو شمس و قمر نہیں بھولے

۔۔قمرسرور ۔۔۔